Après avoir offert en 1517 au jeune François Ier le premier volume de son Triumphe des Vertuz, constitué des deux traités du Triumphe de Prudence et du Triumphe de Force, Jean Thenaud s'attelle à la rédaction de la seconde partie. Le 28 février 1518, la naissance du premier Dauphin François lui impose d'adapter son projet initial à l'actualité. Au printemps 1519, il présente au roi les troisième et quatrième traités du Triumphe des Vertuz.
Aussi, davantage que les deux traités qui le précèdent, le Triumphe de Justice constitue-t-il un miroir des princes, dans lequel l'instruction morale apparemment destinée à l'enfant exhorte en fait le roi lui-même et l'enjoint à s'acquitter avec excellence de sa haute tâche. Ici comme ailleurs, Jean Thenaud recourt à son contemporain Erasme, dont l'Institutio Principis Christiani, sortie de presse en mai 1516, rejoint ses préoccupations.
Ayant procuré l'édition du Triumphe de Prudence (TLF, 489) ainsi que celle du Triumphe de Force (TLF, 550),Titia J. Schuurs-Janssen et René E. V. Stuip donnent maintenant l'édition critique du troisième traité, que viendra compléter celle du Triumphe de Tempérance.

[Epître dédicatoire]

[B vo] L'an immédiatement prétérit et passé - ma plus que tresillustre dame, seppe perdurable et tige incomparablement précieuse de Fimperialle monarchie, sacrée majesté et treschrestienne puissance de France, qui de présent florist en vostre tresflorissant rameau et augustal filz Françoys, par la grâce de Dieu vivant roy de France - désireux de faire foy de la perdurable et treshumble obéissance que vous doy, prins (en craincte et paour) ma plume ruralle, pour au long traicter et mettre par escript les Triumphes de Vertuz, scelon que vostre treshaulte et glorieuse intelligence me les avoit divisez. Et parautant que la celsitude de la matière et la divise d'icelle requeroit bien cent Platons, Aristotes et Xenophons, aussi craignant que le susdict traicté vint entre les tresvictoneuses mains de vostre susdict Auguste, en qui tout le bien de la foy de Minerve et de la glorieuse proesse affluent et superhabundent, et a qui chascun jour les turbes des orateurs, poètes et sénateurs dédient livres moult précieux, enrechiz et floretez de elegans et nouveaulx termes, pour herberger son tresserenissime nom on plus hault lieu du temple de perdurable renommée, comme cil qui est seul digne de régner sur tous roys, je eu paour de parachever et plus grande craincte de vous présenter ce que avoie escript de Prudence et Force, que reduysoye scelon mon pauvre pouoir a la gloire perdurable de voz Apollo et Dyane (o tresfeconde et dive Lathone).
Toutesfoys par la beneficence de Dieu et la vostre, me vint celluy heur (que préfère a tous aultres) que non seulement sa lucide science et royalle intelligence print plaisir, esbat et passetemps on premier volume, mais l'approuva et clarifia. Ce que feist aussi Pinconcussible columpne de sa justice, monsieur le chancellier, plus stable et droicturier que Solon, Ligurgus et Fabrice [C ro] si que despuys n'a esté homme si arrogant ou téméraire qui aye ausé improuver mon petit labeur approuvé par cil duquel l'approbation est une terrestre prédestination3.
Et qui plus est, me feist commandement de parachever au plus tost qu'il me serait possible, en continuant mon stille, les vertuz de Justice et Tempérance, ce qu'ay faict. En monstrant premièrement comment le tresflorissant floron de son sacré liz, monsieur le daulphin, le chier trésor, la claire perle et le pris sans pris de France, duquel avoie predict par espoir désireux on prologue du premier volume la tant désirée et heuree naissance, perviendra avecques palme de victoire par la puissance de ses inexpugnables escutz semencez de fleurs de liz sideralles et de daulphins asurez, au throsne de Justice héroïque ou legalle, pour présider a tous heroes justiciers preteritz et futurs. Aussi comment la dive royne, fleur odoriférante, redolente, triumphante, et sur les perfectes roynes et emperieres florissante, reluist on throsne de Tempérance. Et combien que on prologue du premier volume eusse déterminé de aultrement distribuer lesdietz triumphes, toutesfoys assez sçait vostre tresinexcogitable et profonde sapience la cause et raison de la variation du propoz.

[Epître dédicatoire]
[B vo] L'an immédiatement prétérit et passé - ma plus que tresillustre dame, seppe perdurable et tige incomparablement précieuse de Fimperialle monarchie, sacrée majesté et treschrestienne puissance de France, qui de présent florist en vostre tresflorissant rameau et augustal filz Françoys, par la grâce de Dieu vivant roy de France - désireux de faire foy de la perdurable et treshumble obéissance que vous doy, prins (en craincte et paour) ma plume ruralle, pour au long traicter et mettre par escript les Triumphes de Vertuz, scelon que vostre treshaulte et glorieuse intelligence me les avoit divisez. Et parautant que la celsitude de la matière et la divise d'icelle requeroit bien cent Platons, Aristotes et Xenophons, aussi craignant que le susdict traicté vint entre les tresvictoneuses mains de vostre susdict Auguste, en qui tout le bien de la foy de Minerve et de la glorieuse proesse affluent et superhabundent, et a qui chascun jour les turbes des orateurs, poètes et sénateurs dédient livres moult précieux, enrechiz et floretez de elegans et nouveaulx termes, pour herberger son tresserenissime nom on plus hault lieu du temple de perdurable renommée, comme cil qui est seul digne de régner sur tous roys, je eu paour de parachever et plus grande craincte de vous présenter ce que avoie escript de Prudence et Force, que reduysoye scelon mon pauvre pouoir a la gloire perdurable de voz Apollo et Dyane (o tresfeconde et dive Lathone).
Toutesfoys par la beneficence de Dieu et la vostre, me vint celluy heur (que préfère a tous aultres) que non seulement sa lucide science et royalle intelligence print plaisir, esbat et passetemps on premier volume, mais l'approuva et clarifia. Ce que feist aussi Pinconcussible columpne de sa justice, monsieur le chancellier, plus stable et droicturier que Solon, Ligurgus et Fabrice [C ro] si que despuys n'a esté homme si arrogant ou téméraire qui aye ausé improuver mon petit labeur approuvé par cil duquel l'approbation est une terrestre prédestination3.
Et qui plus est, me feist commandement de parachever au plus tost qu'il me serait possible, en continuant mon stille, les vertuz de Justice et Tempérance, ce qu'ay faict. En monstrant premièrement comment le tresflorissant floron de son sacré liz, monsieur le daulphin, le chier trésor, la claire perle et le pris sans pris de France, duquel avoie predict par espoir désireux on prologue du premier volume la tant désirée et heuree naissance, perviendra avecques palme de victoire par la puissance de ses inexpugnables escutz semencez de fleurs de liz sideralles et de daulphins asurez, au throsne de Justice héroïque ou legalle, pour présider a tous heroes justiciers preteritz et futurs. Aussi comment la dive royne, fleur odoriférante, redolente, triumphante, et sur les perfectes roynes et emperieres florissante, reluist on throsne de Tempérance. Et combien que on prologue du premier volume eusse déterminé de aultrement distribuer lesdietz triumphes, toutesfoys assez sçait vostre tresinexcogitable et profonde sapience la cause et raison de la variation du propoz.